Терең ойлар түйіні 5

Арманың ұшу болса, жылдам жүгіруді үйрен.

Дәулет – тот, адамды ішінен жеп, қуыс кеуделі жанға айналдырады.

Сақталған мерзімі ұзағырақ болған сайын шараптың құндылығы артады, білімі тереңірек болған сайын адамның даналығы артады.

Даналық – ақылдың белгісі емес, ақиқаттың көрінісі.

Өзің сенбегенді терістеме, өйткені ол ақиқат болуы мүмкін.

Сараңдықтың бағасы жоқ, себебі ол өлшеусіз, ал мейірбандық, адамдықпен өлшенетіндіктен, құнды.

Мәңгіліктің екі санаты бар, олар – жұмақ пен тозақ, ал өмір бұл екеуінің арасындағы уақытша тұрақ.

Еңбектеп жүрген ешқашан құламас – ол биікте ұшудың не екендігін де білмейді.

Ой мен идея найзағай іспеттес, адамға кенеттен келеді, оған тек екі негіз керек: білім және тәжірибе.

Тарих – деректерді сапырыстыратын ғылым, ойын үстеліндегі үздік шулер сияқты әрдайым мықтының мүддесін қорғайды.

Даналық – ақылдың белгісі емес, ол жоғарырақ әрі тереңірек, онда адамның құдіретті негізі, оның нағыз тағдыры жасырылған.

Сәтсіздіктеріңнің себебін өзгелерден іздеме, өзгелермен сәттіліктеріңнің мүмкіндіктерін ізде.

Бір тасқа екі рет шалынба, бірінші рет сүрінген соң, оны жолыңнан алып таста.

Бір өзенге екі рет кіру екі рет дүниеге келгеннен оңайырақ.

Әшкерелейтін ақпараттар іздеу әлсіздер мен қызғаншақтардың ісі.

Бақыт құсын қолмен ұстау мүмкін емес, егер еңбекқор әрі төзімді бола білсеңіз, ол өзі келіп иығыңызға қонады.

Ертегілер арманшыл болуды, мысалдар ойшыл болуды, мақал-мәтелдер дұрыс өмір сүруді, ал барлығы бірге дана болуды үйретеді, ал мұның барлығын бойға сіңіру тек білімге құмар адамның қолынан келеді.

Поэзия – сөз әуені.

Ашу үстіндегі адам жанартау сияқты, тек жанартау сыртқа бұрқап ағар лава шығарса, адам өзіне симай бара жатқан сезімдерін шығарады, бірақ кейде ол жазықсыздардың төбесіне жай боп түседі.

Әлем компьютер экранының өлшеміне дейін кішірейген сияқты, бұл бір уақытта адамның мүмкіндіктерін кеңейтіп, оны компьютердің мүмкіндіктеріне тәуелді етті. 

<<<артқа

келесі бет>>>